خلطبيطه

<div dir="rtl" style="text-align: right;" trbidi="on">
<script async="" src="//pagead2.googlesyndication.com/pagead/js/adsbygoogle.js"></script>

<br />
<ins class="adsbygoogle" data-ad-client="ca-pub-5000840460921388" data-ad-slot="8452967954" style="display: inline-block; height: 90px; width: 970px;"></ins><script>
(adsbygoogle = window.adsbygoogle || []).push({});
</script><br />
<div dir="rtl" style="text-align: right;" trbidi="on">
<br />
<div class="separator" style="clear: both; text-align: center;">
<a href="https://blogger.googleusercontent.com/img/b/R29vZ2xl/AVvXsEj3YNswN3ryM9a5yQKpTGMm_73lwPV1oHT1kiYFp3rx5gdlcoyabOYR-YX8WgJE-dDAaQo4YkYVOeVzZPps_TgAjz5PfYXklraZY9Q4fRr7K9_Ag4TRT2FMWIqxEqmO26ANSU9Ibm2v4cc/s1600/%25D8%25B5%25D9%2588%25D8%25B1%25D8%25A9+%25D8%25B1%25D8%25B3%25D8%25A7%25D9%2584%25D8%25A9+%25D9%2585%25D9%2586+%25D9%2585%25D8%25AF%25D9%258A%25D8%25B1%25D9%258A+%25D9%2581%25D9%2586%25D8%25A7%25D8%25AF%25D9%2582.jpg" imageanchor="1" style="margin-left: 1em; margin-right: 1em;"><img border="0" data-original-height="806" data-original-width="640" src="https://blogger.googleusercontent.com/img/b/R29vZ2xl/AVvXsEj3YNswN3ryM9a5yQKpTGMm_73lwPV1oHT1kiYFp3rx5gdlcoyabOYR-YX8WgJE-dDAaQo4YkYVOeVzZPps_TgAjz5PfYXklraZY9Q4fRr7K9_Ag4TRT2FMWIqxEqmO26ANSU9Ibm2v4cc/s1600/%25D8%25B5%25D9%2588%25D8%25B1%25D8%25A9+%25D8%25B1%25D8%25B3%25D8%25A7%25D9%2584%25D8%25A9+%25D9%2585%25D9%2586+%25D9%2585%25D8%25AF%25D9%258A%25D8%25B1%25D9%258A+%25D9%2581%25D9%2586%25D8%25A7%25D8%25AF%25D9%2582.jpg" /></a></div>
                                      <span style="color: blue; font-size: x-small;">صورة مواطن يصيف في احدي فنادق الغردقة</span><br />
   رساله من مديري الفنادق في شرم الشيخ والغردقة ومرسي علم من السياحة الداخلية المصرية (??)<br />
بسبب :<br />
..........<br />
1 - سرقة ممتلكات الفندق<br />
2 - عدم الإحترام للعاملين في الفنادق<br />
3 - مسح أحذيتهم في ملايات السرير والبشاكير<br />
4 - الإسراف والإهدار في تناول المأكولات والمشروبات<br />
5 - الجمله الشهيره "أنا هنا بفلوسي"<script async="" src="//pagead2.googlesyndication.com/pagead/js/adsbygoogle.js"></script>
<br />
<ins class="adsbygoogle" data-ad-client="ca-pub-5000840460921388" data-ad-format="fluid" data-ad-layout-key="-fb+5w+4e-db+86" data-ad-slot="9375241075" style="display: block;"></ins><script>
     (adsbygoogle = window.adsbygoogle || []).push({});
</script><br />
6 - إلقاء المخلفات والقمامة فى أى مكان<br />
7 - عدم النظام والهمجيه في المعاملات<br />
8 - نزول البحر وحمامات السباحة بالملابس الداخلية<br />
9 - بياخدوا الأكل ويلفوه فى كياس ويحطوه فى الشنط بحجة العيال بتجوع وهم بيعوموا رغم إن أغلب الفنادق فيها وجبات سناكس بين الوجبات على البيتش وجمب حمام السباحة<br />
10 - الشباب المصريين بيغلسوا على الأجانب وبيديقوهم فى كل حاجه<br />
<br />
• حضرتك لما تشرفنا في شرم الشيخ او اي بلد سياحية في اي وقت تأكد ان من حقك ( من وجهة نظرك ) كل الاتي يا فندم:<br />
• انك تاخد البشكير والفوطة اللي في الغرفة وتخبيهم في الشنطة وانت ماشي عادي<br />
• تلم الملايتين وكيس المخدة برضه وتخبيهم وتاخدهم شغال<script async="" src="//pagead2.googlesyndication.com/pagead/js/adsbygoogle.js"></script>
<br />
<ins class="adsbygoogle" data-ad-client="ca-pub-5000840460921388" data-ad-format="fluid" data-ad-layout-key="-fb+5w+4e-db+86" data-ad-slot="9375241075" style="display: block;"></ins><script>
     (adsbygoogle = window.adsbygoogle || []).push({});
</script><br />
• شوكتين وسكينتين ومعلقة شاي استانلس كدة ماركة حلوة علشان تنفع البنت في عزالها برضه مقبول (بس لو هتركب طيران المطار هيبلغنا وهنيجي ناخدهم منك في المطار علشان الاكس راي بيكشفهم وشكلك هيبقي وحش)<br />
• تطمع في كارت الغرفة وكروت الفوط ده شئ يشرفنا يا فندم برضه اهو منه دعاية للفندق لانهم عليهم شعار الفندق برضه<br />
• ترص كاتيل الشاي والمجات في الشنط بحيث انهم مايخبطوش في بعض ويتكسروا والبلمان يعرف وهو بينقل الشنط لحضرتك تبقي حريف<br />
• تفك كفر قاعدة التواليت بحرفنة ولما الهاوس كيبينج يبلغ الريسبشن ان الكفر مش موجود في الغرفة يبدأ استفسار من موظف الاستقبال لحضرتك وحضرتك تنكر وبعدين لما تلاقي مافيش مفر وشكلك هيبقي وحش واتكشفت خلاص ولازم تفتح الشنط بتاعتك وشكلك مش هيبقي كيوت خالص فتعمل فيها 9 رجالة في بعض وتعلي صوتك وتقول دا انا اشتريكم بفلوسي وشوفوا تمنها كام وخدوه على الجزمة تبقي فعلا حضرتك راجل سخي ومتشكرين على وافر عطاءك ومساهمتك معانا في التنشيط السياحي لقاعدة التواليت يافندم<br />
• تشغل التكييف ليل نهار حتى وانت خارج ترفع الكارت من الباور سيفر و ( تحشر ) ورقة علشان سيادتك خارج الساعة 9 الصبح رايح البسين وهترجع الساعة 7 المغرب فمحتاج الغرفة تكون رطبة لاستقبال حضرتك فده شئ يسعدنا جدا ان حضرتك تبقي متكيف وتنحرق التكييفات وتولع فاتورة الكهربا خالص في سبيل راحة حضرتك في الغرفة يافندم<br />
• يوصل بيك الحال انك تاخد الزبدة البوشن في اكياس بلاستيك وحضرتك عامل تشيك اوت ده شئ يخلينا طايرين من الفرحة يافندم ان احنا بنقدم أكل عاجب حضرتك لدرجة انك واخد منه وانت مروح كمان (بس خد بالك دي لازم تتحفظ في درجة سالب 18 فممكن تسبب تسمم للاولاد وهي محفوظة في الشنطة لمدة يوم في درجة حرارة 40 يافندم ) واحنا طبعا عايزينكم تيجوا لينا تاني فخايفين عليكم من التسمم يافندم<br />
• تتقل على نفسك وتاخد كل الحاجة الساقعة اللي في الميني بار كل يوم وتداريها علشان الراجل يعمل ريفيلينج ليها كل يوم وحضرتك تاخدها وانت مروح فده اكيد علشان تهضم الاكل الجميل بتاعنا في خلال شهر ما بعد الاجازة<br />
• تفكر برا الصندوق وتفضي كل تيوب الشامبو والشاور جيل في ازازة مياه فاضية وترمي الفاضي في الباسكت علشان الهاوس مان يعرف انك استخدمتهم وماسرقتهم فدا شعور طيب من حضرتك تجاه منتجاتنا اللي بنقدمها لحضرتك<script async="" src="//pagead2.googlesyndication.com/pagead/js/adsbygoogle.js"></script>
<br />
<ins class="adsbygoogle" data-ad-client="ca-pub-5000840460921388" data-ad-format="fluid" data-ad-layout-key="-fb+5w+4e-db+86" data-ad-slot="9375241075" style="display: block;"></ins><script>
     (adsbygoogle = window.adsbygoogle || []).push({});
</script><br />
• تطفي على الارض والطافية تقع على الفرش ويتخرم وننجدة تاني علشان الطفاية قدام حضرتك بس مليانة قشر برتقال ومكسل تقوم تفضيها عادي جدا يافندم عندنا عمي نبوي المنجد هينجد الفرش كله بعد ماحضرتك تقضي اجازتك براحتك وتمشي يافندم<br />
• من حقك علينا حاجات كتيرة جدا يافندم غير دي كمان ومن واجبنا ان احنا نقدمها لحضرتك ولو فيه اي تقصير من حد من زملائي العاملين بقطاع السياحة فأتمنى تقبل اعتذار من اخوك الصغير مصطفى الخشن ( موظف صغير في السياحة )<br />
<script async="" src="//pagead2.googlesyndication.com/pagead/js/adsbygoogle.js"></script>

<br />
<ins class="adsbygoogle" data-ad-client="ca-pub-5000840460921388" data-ad-format="auto" data-ad-slot="2653291450" data-full-width-responsive="true" style="display: block;"></ins><script>
(adsbygoogle = window.adsbygoogle || []).push({});
</script><br />
لكن اللي مش من حق حضرتك بقي:<br />
• وانت قاعد في اللوبي تأزأز لب وترمي القشر على الارض( بلاش اقول اللفظ التاني ) لم اولادك جنبك وخليهم يوطوا صوتهم ويعرفوا ان ده لوبي فندق وفيه ناس تانية من جنسيات تانية قاعدة وشايفة المنظر وبتصور وتفضح على النت وماتشغلش بالك بالقشر هنبقي نكنسه بعد ماتقوم<br />
• مش من حق اولادك انهم يستخدموا تكاية الصوفة على انها كورة شراب لان احنا عملناها لحضرتك تتكئ عليها وفيه ناس حواليك بتصور الاولاد وهما نتيجة ماتشهم بالتكاية تلاتة واحد لصالح عمر الصغير??<br />
•سيب الاقلام الرصاص في البيت وانت جاي لان حيطة الغرفة مش سبورة سنة تالتة رابع فبلاها مذاكرة الاسبوع ده<br />
• مش من حقك يا مدام لما ابنك يعمل ببي جنبك وانت على الشازلونج انك تقومي تقلعيه الحفاضة وترميها على طول ايدك في ( الجونينة ) وتغسلي لابنك مكان الببي في حمام السباحة على مرئى ومسمع كل الحاضرين لان فيه خمسن ستين واحد اجنبي حواليكي بيصوروا ويرفعوا على مواقع التواصل الاجتماعي في لحظة وكذلك مواقع شركات السياحة يعني حضرتك بتأثري علي السياحة كلها يعني حضرتك جزء من خراب اقتصاد دولة ناهيكي عن غلق حمام السباحة وعمل صدمة كلور ليه علشان نلم الفضايح ونحافظ على صحة الباقي??<br />
• مش من حقك تعامل الموظف على ان دا الخدام اللي باباك قالك روح يابني هتلاقي عثمان الخدام كتير هناك دا حضرتك ممكن يكون راجل متعلم اعلي منك ومتحضر وابن ناس ومتجوز ومخلف وبيقبض مرتبه من صاحب الفندق مش من حضرتك فدوره انه يوفر كل سبل الراحة (المشروعة) لحضرتك يعني مش خدام دا مضيف??<script async="" src="//pagead2.googlesyndication.com/pagead/js/adsbygoogle.js"></script>
<br />
<ins class="adsbygoogle" data-ad-client="ca-pub-5000840460921388" data-ad-format="fluid" data-ad-layout-key="-fb+5w+4e-db+86" data-ad-slot="9375241075" style="display: block;"></ins><script>
     (adsbygoogle = window.adsbygoogle || []).push({});
</script><br />
• مش من حقك تمد ايدك على شنطة نزيل جنبك نزل حمام السباحة وساب اغراضه ومأمن عليها بس الايفون 7 زغلل في عنيك وماحدش واخد باله لانك بتفضحنا على الملأ وكاميرا المراقبة جايبة حضرتك على الشاشة وانت مش واخد بالك<br />
• مش من حقك تغرف أكل يكفيك لو انت في بيتك اسبوع على الاقل علشان انت مكسل لو خلصت تقوم تجيب تاني فبتجيب مرة واحدة واللي يفيض الخدامين يبقوا يشيلوه ( ولتسئلن يومئذ عن النعيم )<script async="" src="//pagead2.googlesyndication.com/pagead/js/adsbygoogle.js"></script>

<br />
<ins class="adsbygoogle" data-ad-client="ca-pub-5000840460921388" data-ad-format="auto" data-ad-slot="2653291450" data-full-width-responsive="true" style="display: block;"></ins><script>
(adsbygoogle = window.adsbygoogle || []).push({});
</script><br />
• مش من حقك تعتبر المطعم هو كافتريا شعبيه وتنادي على المدام وهي على البوفيه تقول ليها ( صوباعين كفتة جريل ) وانت جاية يا سناء لان فيه اجانب جنبك وملاحظين ومتأذيين??<br />
• مش من حقك تعامل الراجل المسؤول عن نضافة غرفتك بشكل مهين لانه مش الشغالة وخد بالك دا ممكن يكرهك في رحلتك بكل هدوء وبرود اعصاب<br />
• مش من حقك تنشر ( الترنج والمنطلون ) في التراس ( البلكونة ) او تفردهم على الزرع في ( الجونينة ) علشان يلحقوا ينشفوا لان انتم نازلين بيهم خليج نعمة بالليل ??<br />
• مش من حقك تحسسنا ان كل اعمالك ومشاريعك وقفت بسبب ان الواي فاي عندنا ضعيف لان متوسط سرعات الانترنت في الفنادق 60 ميجا في الثانية ( لكل النزلا) فمش فرض علينا يافندم نحمل لحضرتك ( فيلم ) مدته ساعتين تلاتة في ثانيتين تلاتة حاول تأجله لما تنزل واعمل له داونلود في مقر الشركة وهناك هتلاقي سرعة واحد ميجا ممتازة وسريعة??<br />
• مش من حقك انك بعد ما يتوفر ليك كل سبل الراحة خلال فترة اقامتك بس لانك عايز تقعد يومين كمان على حساب الفندق فبتصطنع مشكلة ولما تتزنق وتلاقي الموضوع مفقوس فتكتب على المواقع السياحية ان دا فندق كوخة ( خد بالك ان العالم كله بيقرا الكومنت دي ) فانت بتأثر على اقتصاد دولة<br />
اعذر جهلي وشدة اسلوبي بس ده لان احنا اتربينا واتعلمنا في مدارس سياحة صح ( زمان ) اللي تقريبا ماعدش باقي منها حاجة في الوقت الحالي<br />
<script async="" src="//pagead2.googlesyndication.com/pagead/js/adsbygoogle.js"></script>

<br />
<ins class="adsbygoogle" data-ad-client="ca-pub-5000840460921388" data-ad-slot="8452967954" style="display: inline-block; height: 90px; width: 970px;"></ins><script>
(adsbygoogle = window.adsbygoogle || []).push({});
</script><br />
الخلاصة يافندم ان من حقك تستمتع ببلدك واحنا نضايفك اجمل ضيافة اكتر من الاجنبي مليون مرة<br />
وتأكد ان حضرتك اهم بالنسبة لينا من الاجنبي ابو عنين خضر بس كل ما في الامر ان احنا عايزينه لما يمشي يرجع تاني او يبعت غيره علشان العجلة تدور ناهيك عن ان حضرتك كنت ومازلت سبب رئيسي في عدم وقوع السياحة بوقوفك جنبها وتشجيعك للسياحة الداخلية<br />
يعني من حقك تاخد اللي من حقك وده لان صاحب الفندق بيكسب من وراك<br />
ومش من حقك تعمل اللي مش من حقك لان اقتصاد البلد بيتأثر برضه من وراك<br />
خليك ايجابي وإظهر اجمل مافيك وخليك سفير لبلدك قدام كل الاجانب ووصل رسالة حلوة للناس يمكن تكون سبب في فتح بيت حد غيرك بسبب فعلك الطيب<br />
وتأكد ان اللي بيعمل الحاجات دي عدد بسيط جدا من الناس اللي بتشرفنا لكن زي ما المثل بيقول الحسنة بتخص والسيئة بتعم علشان كدة اللي بيمشي من عندنا بيقول المصريين كذا وكذا<br />
دمتم طيبين واسف جدا على الاطالة<br />
واتمنى لو ان البوست ده يوصل للسادة المسؤولين ليدركوا ما آلت اليه الاوضاع<br />
لو شايفه كلام مفيد وقريت البوست للاخر قول لينا وجهة نظر حضرتك واعمله شير يمكن نكون سبب في التغيير<br />
<br />
وإظهر أجمل مافيك •••??......<br />
شعب خارج التاريخ والحضارة</div>
</div>

المقالات فضائحنا في معاملة فنادقنا

صورة مواطن يصيف في احدي فنادق الغردقة رساله من مديري الفنادق في شرم الشيخ والغردقة ومرسي ...

مزيد من المعلومات »

المقالات ورث الأزعاج عند المصريين

اليوم هنتكلم عن عادة متخلفة توارثناها جيل من بعد جيل . وهي تشغيل القرآن الكريم بصوت مرتفع في المحلات بعد الأنتهاء من العمل ..؟؟!!...

مزيد من المعلومات »

خلطبيطه

Beauty

Total Pageviews

Categories

فضائحنا في معاملة فنادقنا

ورث الأزعاج عند المصريين

المشاركات الشائعة

أخر الأخبار

أرشيف المدونة الإلكترونية